Бен мынам но потэ шуэме

гадь тросам

дун омыр шокчыса

потэ шуэме сюлмысь:

Ӟечбур, шунды!

Бен мынам потэ шуэме

инмарлы

курбон вайыса

шумпотыса шуэме потэ:

Тау, улон!

Бен мынам но потэ шуэме

шудо синъёсме

ватытэк шонерак

тон шоры учкыса

мынам но потэ шуэме'

Яратӥсько тонэ!

*

Шундыез адӟисько

шумпотӥсько огдырлы

шуисько

• Ӟечбур, шундые!

Ватсаське со борды

• Тон берпаллэн вужераз.

Курбон вайисько

шумпотӥсько огдырлы

шуисько

• Остэ, Инмаре!

Ватсаське со борды

• Тон берпаллэн вужераз.

Пинал пиясько

шумпотӥсько огдырлы

шуисько

• Шуд комоке

Ватсаське

• Берпаллэн вужераз.